ETXEA zaintzen badugu...
domingo, 17 de junio de 2018
Ikasturtea bukatzeko BIDEOA
Gogoetarako galderak:
- Udarari begira, zertara gonbidatzen gaitu bideoak?
- Ze gustuko gauzak egiten dituzu udaran?
- Udaran ere ETXEA ZAINDU behar dugu, Zer gauzak zaindu behar ditugu udaran?
lunes, 21 de mayo de 2018
Keinua: SOBREA
Hilabete honetan Santa Juanaren ospakizunak egin ditugu, bertan elkarrekin kantatu dugu, dinamikak egin ditugu eta MULO proiektuari AGUR esan diogu. Beraz, ez dugu honi guztiari ezer gehiago gehituko.
Hau dela eta, pentsatu dugu hilabete honetako keinu xumea MULO proiekturako diru bilketa eta TXAPA solidarioa izan direla. Aurreko astetan banatutako sobretxoak bilduko ditugu eta FISCera eramango ditugu. Dinamika honen helburu nagusia elkar laguntzearen kontzientzia piztea da. Guztion artean MULO herrian ESKOLAn laguntzea lortu dugula ziur gaude. MILA ESKER guztioi!!!
domingo, 13 de mayo de 2018
miércoles, 9 de mayo de 2018
Ipuina: BATASUNEAN INDARRA
Nekazari zahar baten semeak bata bestearekin
haserreturik zeuden. Egun batean aitak denei irakaspen bat ematea erabaki zuen.
Dei egin eta zenbait makiltxo estu ekartzeko agindu zien. Ondoren, makiltxo
estu guztiak sorta batean lotu zituen.
Gero, semeei sorta apurtzeko eskatu eta zera esan
zien: “Nire ondasun guztiak utziko
dizkiot sorta hau apurtzen duenari”.
Semeak, bata bestearen atzetik, sorta apurtzen
saiatu ziren: bai belaunen gainean jarrita, bai indarrez bihurrituz, bai… Baina
makiltxo-sorta ez zen erdibitzen, ez zen apurtzen. Sendoa eta gogorra zen.
Azkenik, aitak apurtezina zirudien makiltxo-sorta
berari emateko eskatu zien. Makiltxo estuak sortatik banan-banan atera eta
apurtu zituen.
Semeek harrituta begiratu eta esan zioten:
- Aita, hori guk ere egingo genukeen!
Eta aitak esan zien:
- Irakaspen hau utzi dizuet, ondasunik onena izango
baita zuentzat. Egin gogoeta: Zuok makiltxo estu horiek bezalakoak zarete. Hortaz, ene semeok, anaiarteko maitasunean
bizi bazarete, indartsuak eta menderaezinak izango zarete, baina haserretu eta
banantzen bazarete, erraz garaituko zaituztete. Zuon arteko
batasunak/elkartasunak indartsu egingo zaituzte.
GOGOETARAKO GALDERAK:
-
Zer esaten digu
istorio honek?
-
Zergatik
irakurgai hau aste honetan?
-
Zer egin
dezakegu guztiok bat egiteko? Zer zaindu beharko genuke zure iritziz?
domingo, 29 de abril de 2018
GOGOETA: SOLIDARIOAK izaten, gure ETXEA zaintzen dugu.
Santa
Juanaren antzera,
SOLIDARIOAK izaten, gure ETXEA zaintzen dugu.
Hilabete hau oso berezia
da gure eskolarentzat eta munduan zehar Mariaren Lagundiak dituen beste
eskolentzat ere. Gure fundatzailearen eguna ospatuko dugu eta hori ez da
txantxetako gauza! Eskolan hasi zinetenetik entzun diguzue irakasleoi Santa
Juanaren inguruan hitz egiten eta egindako lan izugarria goraipatzen. Baina
gure helburua ez da bere istorioa buruz ikastea, baizik eta Santa Joanaren
pausuak jarraitzea da gure helburu nagusia, alegia.
Urtero
Juanaren ezaugarrietako bat izaten da protagonista, eta aurtengoan “solidario
izatea” izango da. Juanak asko sufritu zuen bere bizitzan zehar
izandako arazoengatik, baina guztietatik aurrera eginez atera zen. Nola lortu
zuen? Ba ez dago misterio handirik; bere nahiari esker atera zen aurrera, beti
bere bihotzari entzuten baitzion. Zenbaitetan nahi ditugun gauza guztiak ezin
ditugu bakarka egin. Joana oso emakume eta pertsona onez inguratu zen.
Gu
ere egunero pertsonez eta lagunez inguraturik gaude eta hauekin harremanetan
egotea ezinbestekoa da. Batzuetan ez da erraza gauzak guk nahi ditugun bezala
egitea, besteekin adostasun batera iritsi behar dugu eta. Baina horretaz gain,
oso garrantzitsua da gure inguruko pertsonak oso ondo zaintzea. Eta horretarako
daukagun armarik handiena maitasuna eta solidario izatea da. Gure lagunak
maitasunez tratatzen baditugu eta gugatik egiten dituzten gauzengatik eskerrak
ematen baditugu, zaila izango da arazoak sortzea.
Ez
zaigu gehiegi kostatzen eskerrak ematea, azken batean hitz bakarra da. Baina
benetan bihotzetik ateratzen bazaigu, guztiz baliotsua izango da ingurukoekin
gustura sentitzeko. Guztiei gustatzen zaigu egiten ditugun gauzengatik eskerrak
ematea; eta horretarako guk ere eskerrak ematen ikasi beharko dugu. Ez ahaztu
Kongon dugun MULO proiektuko pertsonak gurekin erabat kontent daudela, azkenean
beraien eskola mantentzea lortu dute eta. Hala ere, guk ere beraiei eskerrak
eman behar dizkiegu, asko ikasi baitugu, besteak beste, solidarioak izaten.
Beraz, Santa Juanaren antzera,
SOLIDARIOAK izaten, gure ETXEA zaintzen dugu.
domingo, 22 de abril de 2018
Biodeak: ZAIN DEZAGUN GUZTIONA DEN ETXEA
Frantzisko Aita Santuaren mezua: ZAINDU DEZAGUN GUZTIONA DEN ETXEA
CARITASEk bidaltzen digun mezua: GUZTION LEKU, GUZTION ETXEA
CARITASEk bidaltzen digun mezua: GUZTION LEKU, GUZTION ETXEA
domingo, 15 de abril de 2018
Ipuina: Asisko San Frantzisko
Frantzisko
Asisen (Italian) jaio zen, 1182. urtean.
Gaztaroa dibertsiorik dibertsio eman ondoren, konbertitu
egin zen. Gurasoen ondasunei uko egin zien eta bere burua erabat Jainkoari
eskaini zion. Pobrezian eta Ebanjelioaren arabera bizi izan zen, denei
Jainkoaren maitasuna predikatuz. Bere jarraitzaileei zenbait arau zuhur eman
zizkien, gero Aita Santuak onetsiko zituen arauak. Frantziskotar Ordena fundatu
zuen. Gero bere jarraitzaileetako emakume batek, Santa Klarak, San
Frantziskogan inspiraturik, Klaratarren ordena fundatu zuen.
Frantziskok bere bizitza
behartsuei eta abandonatuei laguntzen eman zuen, eta behartsuen artean
behartsuena izan zen. Beharbada legenardun batekin topo egiteak aldatu zion
bizimodua. Egun batean, Asisko lautadatik zaldiz paseatzen ari zela, legenardun
batekin egin zuen topo. Eskalearen zauriek izutu egin zuten, baina ihes egin
ordez, limosna bat hartzeko eskua luzatzen zuen gizonaren ondora joan zen.
Frantziskok ulertu zuen Jainkoaren erabateko maitasunerantz pausoa eman behar
zuela eta, borondateak nazka naturalari gehiago eginda, musu bat eman zion.
Keinu hark, Espiritu Santuak eragindakoak, bizitza goitik behera aldatu zion.
San Frantzisko Asiskoak
abereekin hitz egiteko eta berauek menderatzeko ahalmena zuen. Abereekiko
komunikazioak izadiarekin kontaktuan bizitzera, izaki bizidun ororekiko
errespetua aldarrikatzera eta berauei anaia/arreba esatera bultzatu zuen. Anaia
eguzkiari eta arreba ilargiari gorespen-kantua egin zien.
Santu honen bizitzari buruzko idazkien arabera,
animaliek entzun eta ulertu egiten zioten eta agintzen ziena betetzen zuten.
Santuak ardiak jaten zituen eta gizakiei eraso egiten zien otso basati bat hezi
omen zuen. Uste zuen izaki bizidun guztiak eta naturako elementuak izaki
bereziak direla, Jainkoak eginak. Txoriekin hitz egiten zuen eta Jainko
sortzailea goretsi behar zutela eta jasotakoagatik eskerrak eman behar
zizkiotela esaten zien.
Gure etxea zainduz,
PLANETA ERRESPETATZEA lortzen dugu
ASISKO FRANTZISKO DONEAREN OTOITZA
Goi-goiko ahalguztidun Jaun ona,
zureak gorespenak, aintza, ohorea eta bedeinkapen
dena.
Zuri, Goi-goiko horri, dagozkizu bakarrik,
eta ez da gizakirik zu aipatzeko duin denik.
Goretsia zu, ene Jauna, zeure sorkari guztiekin,
batez ere anaia eguzki jaunarekin:
bera da egun-argia eta berarekin diguzu egiten argi.
Eder eta distiratsu da dirdira bizitan:
zure, Goi-goiko horren, irudi da.
Goretsia zu, ene Jauna, arreba ilargi eta
izarrengatik:
argi, bitxi eta eder dituzu zeruan jarri.
Goretsia zu, ene Jauna, anaia haizearengatik,
eta aire, laino, oskarbi eta edozein eguraldigatik:
beronen bidez ematen diezu mantenua zeure sorkariei.
Goretsia zu, ene Jauna, arreba urarengatik:
txit ongarri da, apal, bitxi eta garbi.
Goretsia zu, ene Jauna, anaia suarengatik:
beronen bidez argitzen duzu gaua
eta ederra da, alaia, sendoa eta indartsua.
Goretsia zu, ene Jauna, gure arreba ama-lurragatik:
berak gaitu mantentzen eta gobernatzen,
eta hainbat fruitu, lore koloretsu eta belar
sortarazten…
Gorets eta bedeinka ezazue nire Jauna,
eman eskerrak eta apaltasun handiz zerbitza
Suscribirse a:
Entradas (Atom)
-
Nekazari zahar baten semeak bata bestearekin haserreturik zeuden. Egun batean aitak denei irakaspen bat ematea erabaki zuen. Dei egi...
-
Frantzisko Aita Santuaren mezua: ZAINDU DEZAGUN GUZTIONA DEN ETXEA CARITASEk bidaltzen digun mezua: GUZTION LEKU, GUZTION ETXEA